Fəxrəddin Altun: Bu, ikili standartdır, riyakarlıqdır

Türkiyə Prezident Administrasiyasının İctimaiyyətlə Əlaqələr İdarəsinin rəhbəri Fəxrəddin Altun “Şəhid Diplomatlar” sərgisindəki çıxışının “YouTube” tərəfindən “nifrət nitqi” bəhanəsi ilə silinməsinə sərt reaksiya verib.

Busaat.az xəbər verir ki, Fəxrəddin Altun “Twitter” hesabındakı paylaşımında “YouTube” tərəfindən silinən çıxışına yer verib.

“Təəssüf hissi ilə bildirmək istəyirəm ki, “Şəhid Diplomatlar” sərgisindəki çıxışım “YouTube” tərəfindən senzuraya məruz qalıb. Çıxışda guya nifrət nitqi varmış. Xahiş edirəm, dinləyin və özünüz qərar verin. Bu, ikili standartdır, bu, riyakarlıqdır. İslama və müsəlmanlara qarşı nifrət nitqinə məhəl qoymayan, terror təşkilatlarının təbliğatına asanlıqla yer verən “YouTube” türk diplomatlarımızı şəhid edən qatil terrorçular haqqında söylədiklərimizi nifrət cinayəti (?) sayır.

Xoşunuza gəlsə də, gəlməsə də, hər fürsətdə terrorizmin dilinin, dininin və irqinin olmadığını söyləyəcəyik. Hər sahədə olduğu kimi, media və rabitə sahəsində də yerli və milli platformalara ehtiyacımız olduğunu bir daha gördük. Yaşasın həqiqət!”, – deyə o qeyd edib.

Üzülerek belirtmek istiyorum ki, Şehit Diplomatlar Sergisinde yaptığım şu konuşma YouTube tarafından sansürlendi.
Sözüm ona bu konuşma, nefret söylemi içeriyormuş. Lütfen kulak verin ve siz karar verin.
Bu çifte standarttır, bu riyakarlıktır. pic.twitter.com/xLFLF3TChM

— Fahrettin Altun (@fahrettinaltun) July 1, 2021