Fransa və İraq enerji sahəsində bir sıra sazişlər imzalayıb

Fransa prezidenti Emmanuel Makron İraqın baş naziri Məhəmməd əl-Sudani ilə görüşüb. Tərəflər iki ölkə arasında xüsusilə enerji və ictimai nəqliyyat sahələrində iqtisadi əməkdaşlığı inkişaf etdirmək üçün nəzərdə tutulmuş bir sıra strateji sazişlər imzalayıblar.

Busaat.az xəbər verir ki, bu barədə Yelisey Sarayının bəyanatında deyilir.

Məlumata görə, Fransa və İraq korrupsiya ilə mübarizə, təhlükəsizlik, bərpa olunan enerji və mədəniyyət sahələrində ikitərəfli əlaqələrin gücləndirilməsinə yönəlmiş pakt imzalayıblar.

Alternativ enerji mənbələrinə gəlincə, onlar günəş enerjisi və qaz investisiyalarına əsaslanan TotalEnergies enerji layihəsinin həyata keçirilməsinə sadiq olduqlarını bildiriblər.