İlham Əliyev Pakistan Prezidentinə başsağlığı verdi

Azərbaycan Prezidenti İlham Əliyev Pakistan İslam Respublikasının Prezidenti Arif Alviyə başsağlığı məktubu ünvanlayıb.

Busaat.az  xəbər verir ki, mətndə deyilir:

“Hörmətli cənab Prezident,

Ölkənizin Bəluçistan əyalətində baş vermiş güclü zəlzələ nəticəsində çoxsaylı insan tələfatı və dağıntılar barədə xəbər məni olduqca kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, qardaş Pakistan xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyir, zəlzələnin nəticələrinin tezliklə aradan qaldırılmasını arzulayıram.

Allah rəhmət eləsin!”

Qeyd edək ki, Pakistanda 5,7 bal gücündə zəlzələ baş verib. Nəticədə 20 nəfər həlak olub, 300-dən çox nəfər xəsarət alıb.