İlk olaraq Şuşaya sərnişin daşınması təşkil ediləcək

İlk olaraq Şuşaya sərnişin daşınması təşkil ediləcəkbackend
image-busaat_banner_768x90

“İşğaldan azad edilən şəhər və rayonlarımıza artıq müntəzəm marşrut xətlərinin açılmasına dair pasportlar hazırlanıb. Bu istiqamətdə xətlərlə bağlı müsabiqənin keçirilməsinə dair əmr imzalanıb. Əmrə əsasən Müsabiqə Komissiyası təşkil olunub”.

Busaat.az xəbər verir ki, bunu “Qafqazinfo”ya açıqlamasında Dövlət Avtomobil Nəqliyyat Xidmətinin (DANX) İctimaiyyətlə əlaqələr sektorunun müdiri Nuridə Allahyarova deyib.

Onun sözlərinə görə, hansı regionlara gediş-gəlişin mümkün olunması ilə bağlı birinci və ikinci mərhələ müəyyənləşib: “Birinci mərhələdə vacib olan istiqamətlər Suqovuşan, Talış kəndi, Cəbrayıl və Zəngilan, Qubadlı, ikinci mərhələdə isə işğaldan azad edilmiş digər bölgələrimizə sərnişindaşımanın həyata keçirilməsi gözlənilir. Sərnişinlərin böyük istəyini nəzərə alaraq Şuşaya sərnişin daşınmanı I mərhələyə daxil etməyi düşünürük”.

N. Allahyarovanın sözlərinə görə, birinci mərhələdə işğaldan azad edilmiş ərazilərə Gəncə, Beyləqan və Yevlaxdan sərnişinlər daşınacaq. Bu istiqamətlər regiona daha yaxın olduğuna görə nəzərdə tutulub. Minadan təmizlənmiş ərazilərə gediş-gəlişə tam imkan verdikdən sonra sərnişin daşımaları həyata keçiriləcək.

DANX rəsmisi həmçinin daşıyıcı şirkətlərə və o sahədə fəaliyyət göstərəcək sahibkarlara müraciət edib: “Müsabiqə Komissiyasının işinə dəstək məqsədilə əlavə mütəxəssislərin cəlb olunması gözlənilir. Biz daşıyıcı şirkətlərə və o sahədə fəaliyyət göstərəcək sahibkarlara bildirmək istəyirik ki, müsabiqənin keçirilməsilə bağlı məlumat müsabiqəyə 30 gün qalmış KİV-də işıqlandırılacaq. Ancaq həm də daşıyıcı şirkətlərin avtobuslarının salonu, banı, texniki təchizatı və s. tam yararlı olmalıdır. Daşıyıcılar düşünməsinlər ki, Bakı üçün yararsız olan, istismardan çıxarılan avtobuslarını regiondur deyə istifadə edə biləcəklər. Çünki bu müsabiqə yolu ilə keçiriləcək və qurumun tabeliyində olan “ANDT” MMC-nin keçirdiyi texniki müayinənin arayışı tələb olunacaq. Həmin istiqamətlər bizə paytaxt qədər önəmlidir. Çünki ölkə başçısının birbaşa və çox önəmli tapşırığı var ki, həmin istiqamətlərdə bütün infrastruktur layihələri və xidmətlər yüksək səviyyədə qurulsun”.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90