Avstraliyanın Kvinslend əyalətindəki cəmi 550 nəfər əhalisi olan Culiya Krik adlı qəsəbə maraqlı bir iş imkanı təqdim edir.
Busaat.az xarici mətbuata istinadən xəbər verir ki, qəsəbə rəhbərliyi əraziyə daimi olaraq yerləşmək üçün həkim axtarır. Təklif olunan şərait isə tamamilə heyrətamizdir.
Belə ki, iş elanı uğurlu namizədə ildə təxminən 428.000 ABŞ dolları təklif edir.
Kirayədən tutmuş avtomobilə qədər bütün xərclər qəsəbə tərəfindən ödənilir. Bu məbləğ Avstraliyanın böyük bir şəhərində çalışan həkimin qazandığı məbləğdən təxminən iki dəfə çoxdur.
Culiya Krik ən yaxın xəstəxanadan və digər həkimlərdən saatlarla məsafədə, ucqar bir ərazidə yerləşir. İşə götürülən şəxs qəsəbədə yeganə həkim olmalı və bütün təcili vəziyyətləri gecə-gündüz təkbaşına həll edə bilməlidir.
