ABŞ-ın ixtiraçı milyarderi, “SpaceX” və “Tesla” şirkətlərinin sahibi İlon Mask ötən sutka ərzində birjalarda 14 milyard dollar itirib.
Busaat.az xəbər verir ki, buna “Tesla”nın səhmlərinin fond birjasında kəskin düşüş yaşaması səbəb olub. “Wedbush Securities” şirkətinin analitiki Den Ayvsın sözlərinə görə, İlon Mask iqtisdiyyatda “domino effekti” deylən bir hadisənin qurbanı olub. Belə ki, yeni valyuta vasitəsi bitkoinlərə sərmayə qoyduğu deyilən İlon Maskın ciddi risklər alması “Tesla” səhmdarlarının bir qisminin ondan üz döndərməsinə gətirib çıxarıb.
“Bloomberg Billionaires Index”in məlumatına görə, bununla İlon Maskın sərvəti 190 milyarddan 176 milyard dollara qədər enib. Lakin buna rəğmən o, hələ dünyanın ikinc varlı adamı olaraq qalır. İlk sırada eyni günlərdə 5,55 mliiyard dollar itirməsinə baxmayaraq 180 milyardlıq varidatla “Amazon”un sahibi Ceff Bezos gəlir.
