İlon Mask: Hökumət saxtakarlığının miqyası heyrətamizdir

Dünya şöhrətli iş adamı İlon Mask ABŞ Prezidenti Co Baydenin Suriyaya humanitar yardım ayırmaq qərarını kəskin tənqid edib. 

Busaat.az xəbər verir verir ki, bu barədə Mask “X” sosial şəbəkəsində paylaşım edib.

“Hökumət saxtakarlığının miqyası heyrətamizdir” – deyə Mask paylaşımında bildirib.

Maskın bu şərhi, Şimali Karolinada soyuq hava şəraitinə görə çadırlarda yaşamaq məcburiyyətində qalan amerikalılara dəstəyin olmaması fonunda Suriyaya yardımın verilməsinə reaksiya olaraq səslənib.

Qeyd edək ki, Mask, ABŞ-nin yeni seçilmiş prezidenti Donald Trampın seçki kampaniyasının ən iri ianəçilərindən biri olub. CNN-in məlumatına görə, Mask bu kampaniyaya təxminən 260 milyon dollar sərmayə qoyub.

Zeyd Bağırzadə