Böyük Britaniya kraliçası II Yelizaveta ABŞ Prezidenti Co Bayden və həyat yoldaşı Cill Baydeni qəbul edəcək.
Busaat.az xəbər verir ki, bu barədə Kral ailəsinin tvitter hesabında məlumat verilib.
“Kraliça 13 iyun 2021-ci il tarixində Uindsor qalasında ABŞ Prezidenti Co Bayden və birinci xanım Cill Baydeni qəbul edəcək”,- deyə açıqlamada qeyd olunub.
ABŞ Prezidentinin 11-13 iyun tarixlərində İngiltərədə qalacağı planlaşdırılır.
Bu ilin yayında Bayden Avropaya ilk dəfə ABŞ Prezidenti kimi səfər edəcək. Səfər çərçivəsində Baydenin 11-13 iyun tarixlərində G7 sammitində iştirakı, 14 iyun tarixində Brüsseldə keçiriləcək NATO zirvəsinə qatılması və 16 iyun tarixində İsveçrədə Rusiya Prezidenti Vladimir Putin ilə görüşü gözlənilir.
