Busaat.az xəbər verir ki, İngiltərə Premyer Liqası öz rəsmi saytında sentyabrın ən yaxşı oyunçusu mükafatına namizədlərin siyahısını dərc edib.
Siyahıya “Liverpul”un vingeri Məhəmməd Salah, “Mançester Siti”nin hücumçusu Culian Alvares, “Aston Villa”nın hücumçusu Olli Uotkins, “Tottenhem”in vingeri Son Heunq-Min, “Vulverhempton”un yarımmüdafiəçisi Pedro Neto, “Nyukasl”ın müdafiəçisi Kieran Trippier və “Vest Hem”in vingeri Jarrod Bouen daxil olub. Bütün oyunçular sentyabr ayında klublarına ən azı üç qol vurdular:
Məhəmməd Salah (“Liverpul”) – iki qol və iki məhsuldar ötürmə;
Culian Alvares (Mançester Siti) – iki qol və iki məhsuldar ötürmə;
Olli Uotkins (Aston Villa) – dörd qol və bir məhsuldar ötürmə;
Son Heunq-Min (“Tottenhem”) – altı qol;
Pedro Neto (“Vulverhempton”) – bir qol və üç məhsuldar ötürmə;
Kieran Trippier (“Nyukasl”) – dörd məhsuldar ötürmə;
Carrod Bouen (“Vest Hem”) – üç qol.
Azarkeşlərin səsverməsi Qərbi Avropa Yay vaxtı ilə saat 12:00-a qədər (Bakı vaxtı ilə 15:00) davam edəcək. Ayın ən yaxşı oyunçusu azarkeşlərin və ekspertlərin səsverməsi əsasında seçiləcək.
