Böyük Britaniyada maaş artımı və iş şəraiti ilə bağlı davam edən fikir ayrılığına görə 40 min dəmiryol işçisi iki günlük tətilə başlayıb.
Busat.az xəbər verir ki, ölkədə Dəmir Yolu, Dənizçilik və Nəqliyyat Birliyinə (RMT) üzv olan 40 min dəmiryolçu maaşlarının inflyasiyaya uyğun artırılması və iş şəraitinin yaxşılaşdırılması tələbi ilə iki günlük tətil elan edib.
Dəmiryol operatoru Network Rail şirkəti işçilərə bu il üçün 5%, gələn il üçün isə 4% artım təklif edib. Həmkarlar ittifaqı isə, dünən Network Rail-in yeni təklifini inflyasiyadan aşağı olduğu səbəbilə rədd etdiyini açıqlayıb.
Dəmiryolçular tətili dekabrın 16 və 17-də davam etdirəcəklər.
Busaat.az
