“İnstagram”da istifadəçilərdən yaşlarını qeyd etmək tələb olunacaq

“İnstagram”da xidmətin keyfiyyətini artırmaq üçün sosial şəbəkədə qeydiyyatdan keçərkən istifadəçidən yaşını qeyd etmək tələb olunacaq.

Trend-in məlumatına görə, bu barədə “İnstagram” sosial şəbəkəsi məlumat yayıb.

Qeyd edilir ki, məlumat digər istifadəçilər üçün əlçatan olmayacaq.

Bildirilir ki, yeni tələb istifadəçiyə mesaj göndərə biləcəklərinin siyahısını idarə etmək üçün kömək etməyə də xidmət edəcək.