İran Kosmik Agentliyi (ISA) aşağı Yer orbitinə iki yeni peyk buraxacaq.
Busaat.az xəbər verir ki, bu barədə “Mehr” agentliyi məlumat yayıb.
Məlumata görə, “Hodhod” və “Kosar” cihazlarının təqdimatı oktyabr ayına planlaşdırılır.
“Müşahidə peyki olan “Kosar” peykinin bu il orbitə çıxarılması planlaşdırılır. “Hodhod” peyki rabitə tədqiqat peyki kimi də “Kosar” peyki ilə eyni vaxtda buraxılmalıdır”, – deyə ISA rəhbəri Hassan Salariye bildirib.
Qeyd olunub ki, “Kosar” məsafədən zondlama peyki və “Hodhod” rabitə peyki özəl şirkətlər tərəfindən layihələndirilib və inşa edilib.
Nəzərə çatdırılıb ki, “Kosar”dan kənd təsərrüfatı məqsədləri üçün, sərhədlərin müəyyənləşdirilməsi və geodeziya tədqiqatları üçün istifadə oluna bilər.
“Hodhod” qurğusunun Əşyaların İnterneti və nəqliyyat sektorunda istifadəsi planlaşdırılır.
Ariz Həsənoğlu
