İranda etirazlar böyüyür: 739 nəfər saxlanıldı

İran rəsmiləri ölkənin ölkənin şimal-şərqində yerləşən Gilan əyalətində baş verən nümayişlərdə 60-ı qadın olmaqla 739 etirazçının saxlanıldığını açıqlayıb.

Busaat.az xəbər verir ki, bu barədə məlumatı İranın yarı rəsmi xəbər agentliyi Tesnim verib.

Məlumata görə, Gilan əyalətinin polis rəisi Əzizullah Məliki ictimai güvənliyi təhdid edən insanlara yönəlik polis və inqilab mühafizəçiləri tərəfindən əməliyyat hazırlandığını bildirib.

“Bu insanların 60-ı qadındı. Onların böyük bir qismi Gilanın yerli sakini deyil, xaos yaratmaq, ictimai yerlərə və özəl mülklərə zərər vermək üçün digər şəhərlərdən Gilana gətirilib”- deyə, Məliki bildirib.

Digər tərəfdən Gilanda təxribat şəbəkəsini aşkar edib həbs etdiklərini bildirən Məliki əməliyyat zamanı çox sayda silah ələ keçirdiyini qeyd edib.

Əyalətdə baş verən hadisələrdə itkilərlə bağlı məlumat verməyən Məliki, 104 polisin yaralandığını və çox sayda avtomobilin məhv edildiyini bildirib.

Qeyd edək ki, İranda 22 yaşlı Məhsa Əmini hicab qaydalarına əməl etmədiyi üçün saxlanılıb və saxlanıldıqdan 3 gün sonra vəfat edib. Gənc qızın müəmmalı ölümü ölkədə geniş xalq kütlələrinin etirazlarına səbəb olub.