İraq hökuməti Kərkükdə rəsmi yazışmalarda türkmən dilinin məhdudlaşdırılması barədə qərar qəbul edib.
Busaat.az xəbər verir ki, İraq Baş Nazirliyinin Baş Katibliyindən Kərkük Valiliyinə göndərilən məktuba görə, şəhərdə rəsmi yazışmalarda yalnız ərəb və kürd dillərindən istifadə ediləcək.
Şəhərdə sıx yaşayan türkmənlər qərara reaksiya verib.
İraq Türkmən Cəbhəsi (İTC) Siyasi Bürosundan verilən yazılı açıqlamada İraq hökumətinin Kərkük Valiliyinə göndərdiyi qərarın rədd edildiyi bildirilib.
Onlar qərarın ləğvini tələb edib.
İraq Parlamenti Türkmən Qrupunun yaydığı bəyanatda Kərkükdə türkmən dilinin gözardı edildiyi bu qərarın konstitusiyaya zidd olduğu və qəbul edilmədiyi qeyd edilib.
Bəyanatda baş nazirdən “Kərkükdə rəsmi yazışmalarda türkmən dilinin işlədilməsi” barədə göstəriş verməsi tələb olunub.
