İraq Kürdüstan bölgəsinin baş naziri Məsrur Bərzani və İraqın baş naziri Məhəmməd Şia əl-Sudani çərşənbə axşamı günü regionun neft ixracatının bərpasına dair saziş imzalayıb və bu saziş İraq dövlətinin bütün komponentləri üçün “əhəmiyyətli” adlandırılıb.
Busaat.az xəbər verir ki, bu barədə “Rudaw” məlumat yayıb.
İraqın neft naziri Hayyan Əbdül Qani, baş nazir Sudani və prezident Əbdül Lətif Rəşid ilə görüşən Bərzani Kürdüstan Regional Rəhbərliyinin (KRG) yüksək səviyyəli heyətinin müşayiəti ilə çərşənbə axşamı səhər Bağdada gəlib.
“Bu razılaşma müvəqqətidir, lakin onun bütün prinsipləri federal büdcədə və neft və təbii qaz qanununda öz əksini tapacaq”, – deyən Bərzani əlavə edib ki, regionun neft ixracının dayandırılması təkcə regiona deyil, bütövlükdə İraqa da təsir edir.
Busaat.az
