İraq və Suriyanın şimalında 150-dən çox terrorçu zərərsizləşdirildi

1-8 oktyabr tarixləri arasında İraq və Suriyanın şimalında terror hədəflərinə qarşı həyata keçirilən genişmiqyaslı hava əməliyyatlarında 150-dən çox terrorçu zərərsizləşdirilib. Həmçinin, təşkilatın gəlir mənbələri və obyektləri məhv edilib.

Busaat.az xəbər verir ki, bu barədə Türkiyənin Milli Müdafiə Naziri Yaşar Gülər bildirib.

“İndiyə qədər olduğu kimi, artan təsir və sıx təzyiqlə terrorla mübarizəni davam etdirəcəyik. Bu çərçivədə 1-3-4 oktyabr tarixlərində İraqın şimalında, 5-6 və 8 oktyabrda Suriyanın şimalında terrorçu hədəflərə qarşı qurudan atəş dəstəyi maşınlarımızdan istifadə edərək effektiv və əhatəli hava əməliyyatları həyata keçirdik. Uğurla həyata keçirilən bu əməliyyatlarda terror təşkilatının bir çox hədəfi, gəlir mənbələri və təşkilatın istifadə etdiyi obyektlər tam dəqiqliklə məhv edilib, yüz əllidən çox terrorçu zərərsizləşdirilib”, – nazir Gülər ​​açıqlamasında deyib.