İrəvan yenidən qarışdı: “Sasna Tsrer”in üzvləri meydana axışdı

Bu gün axşam saatlarında İrəvanda yenə qarışıqlıq düşüb. Busaat.az xəbər verir ki, bu gün ümumermənistan partiyası olan “Sasna Tsrer”in üzvlərinə hökm oxunub. Qeyd edək ki, bu partiyanın üzvləri Qarabağ savaşı zamanı da döyüşlərdə iştirak edirdilər. Bu partiya əsasən radikal erməni  daşnakların cəmləşdiyi bir partiyadır.  Hakim Mesrop Makyanın qərarı ilə partiyanın üzlərinə ən ağır cəza verilib. Cəzalandırılan partiya üzvləri Ermənistanda ixtişaş yaratmaq, hakimiyyət üzvlərinə silahlı təcavüz etməkdə günahlandırılırdı.

Pavel Manukyan 10 il , Gagik Yeghiazaryan 7 il 5 ay, Areg Kyureghian – 7 il 1 ay, Varuzhan Avetisyan – 7 il 4 ay, Armen Bilyan – 4 il, Sedrak Nazaryan – 8 il 2 ay, Edward Grigoryan – 6 il və 6 ay, Mxitar Avetisyan – 7 il 6 ay həbs cəzasına məhkum ediliblər.
İki polisi öldürməkdə günahlandırılan Smbat Barseghyan 25 il həbs cəzasına məhkum edildi.

Hakimin qərarıından sonra partiya üzvləri yenidən meydana axışıblar. Onlar məhkum edilən partiya üzvlərinin azad edilməsi tələbi ilə mitinq keçiriblər.