Ermənistanda 44 günlük müharibədə itkin düşən hərbçilərin valideynləri Müdafiə Nazirliyinin binası qarşısında gecələyir.
Busaat.az xəbər verir ki, bunu “News.am”a müsahibəsində hərbçilərin valideynlərindən biri deyib.
“Onlarla valideyn binanın qarşısında qalıb, onlar qəbul olunana qədər gözləyəcəklər. Mən getmişəm, gedənləri artıq binaya buraxmırlar, içəridə qalan valideynlərinin telefonlarını da götürüblər”, – o deyib.
Xatırladaq ki, bu gün səhər saatlarından 60-a yaxın valideyn müdafiə naziri Suren Papikyanla görüşməyi tələb etsə də, əvəzində valideynləri nazir müavini Arman Sarkisyan qəbul edib.
Qeyd edək ki, nazirlik binasına toplaşanlar kimyəvi müdafiə bölməsindən olan hərbçilərin yaxınlarıdır. Ermənistan KİV onların II Qarabağ müharibəsi zamanı Zəngilan rayonuna göndərildiyini, o vaxtdan onlardan heç bir xəbər olmadığını yazır.
