İŞİD-in yeni lideri öldürüldü
ABŞ Mərkəzi Komandanlığı (CENTCOM) Əbu İbrahim əl-Haşimi əl-Quraşinin ölümündən sonra İŞİD-in başına keçən Əbu əl-Həsən əl-Haşimi əl-Qureyşinin də öldürüldüyünü açıqlayıb.
Busaat.az xəbər verir ki, bu barədə CENTCOM-un sözçüsü polkovnik Co Buccino yazılı açıqlamada verib.
Buccino DEAŞ-ın bölgə üçün təhdid olmağa davam etdiyini və təşkilatın birdəfəlik məhvinə kökləndiklərini bildirib.
Bu hücumda İŞİD-ə qarşı koalisiyanın rolunun nə olduğu məlum deyil.
ABŞ qüvvələri İraq, Suriya və İordaniya sərhədlərinin kəsişdiyi Əl-Tənif bölgəsində Muqavvir Et-Tavra adlı müxalif qrupla əməkdaşlıq edir.
Qrup bir müddət əvvəl adını “Suriya Azad Ordusu” olaraq dəyişib.
Qeyd edək ki, İŞİD-in ilk lideri Əbu Bəkr əl-Bağdadinin yerinə keçmiş Əbu İbrahim əl-Haşimi əl-Qureyşi fevral ayında ABŞ xüsusi təyinatlılarının Suriyanın şimal-qərbində keçirdiyi əməliyyatda öldürülüb.
