İspaniyanın Kanar adalarına 550 qeyri-qanuni miqrant gəlib

İspaniyanın cənub-qərbindəki Kanar adalarına son 24 saatda 4 qayıq və ya qayıqla ümumilikdə 550 qeyri-qanuni miqrant gəlib.

Busaat.az xəbər verir ki, bu barədə ölkənin Sahil Mühafizə Xidməti məlumat yayıb.

Bildirilib ki, Şimali Afrika sahillərindən 187, 164, 134 və 65 qeyri-qanuni miqrantın olduğu qayıqlar Tenerife və Böyük Kanaryaya çatıb.

Qadın və uşaqların da olduğu qeyri-qanuni miqrantların sağlamlıq vəziyyətinin ümumilikdə yaxşı olduğu, 2 nəfərin xəstəxanaya çatdırıldığı qeyd edilib.

Bu arada, İspaniya Daxili İşlər Nazirliyinin məlumatlarına görə, 1 yanvar – 31 avqust tarixləri arasında Kanar adalarına 11 min 459 qeyri-qanuni miqrant gəlib.

Təkcə avqust ayında Kanar adalarına 3000-ə yaxın qeyri-qanuni miqrant gəlib ki, bu da 2022-ci ilin eyni dövrü ilə müqayisədə üç dəfə çoxdur.