Busaat.az xəbər verir ki, İsrail ordusuna məxsus döyüş təyyarələri Livanın şərqində yerləşən Baalbekə bağlı Cinta qəsəbəsinin yaxınlığını bombalayıb. İsrail ordusundan verilən açıqlamada kəşfiyyat məlumatlarına əsasən Livanda Hizbullaha məxsus bəzi hədəflərin hava hücumları ilə vurulduğu bildirilib.
Livan ilə İsrail arasında əldə olunan atəşkəs razılaşması 27 noyabr 2024-cü il çərşənbə günü yerli vaxtla 04:00-da qüvvəyə minib. Razılaşmanın ikinci maddəsində qeyd olunub ki, “Livan hökuməti Hizbullah və ya Livan ərazisində yerləşən digər silahlı qrupların İsrailə qarşı hər hansı bir əməliyyat keçirməsinə mane olacaq, eyni zamanda İsrail də Livanda mülki, hərbi və ya dövlətə məxsus hədəflərə quru, dəniz və ya havadan hərbi hücum etməyəcək.” Razılaşmaya əsasən, Livan ordusunun 60 gün ərzində İsrailin Livanın cənubunda işğal etdiyi ərazilərə mərhələli şəkildə yerləşdirilməsi nəzərdə tutulur.
