İstanbulda sələmçilik əməliyyatında 14 şübhəli tutulub.
Busaat.az xəbər verir ki, bu barədə daxili işlər naziri Əli Yerlikaya bildirib.
O, sosial media hesabında etdiyi paylaşımda mütəşəkkil cinayətkarlıq təşkilatları və dəstələrlə mübarizədə olduğu kimi, kredit şirkətlərini də məsuliyyətə cəlb etməkdə qərarlı olduqlarını qeyd edib.
İstanbul Polis İdarəsi Maliyyə Cinayətləri ilə Mübarizə Şöbə Müdirliyi tərəfindən sələmçilik cinayətləri ilə mübarizə çərçivəsində 2 ayrı əməliyyat təşkil edildiyini deyən nazir Yerlikaya aşağıdakı ifadələrdən istifadə edib:
“Aparılan istintaq tədbirləri nəticəsində 14 şübhəli şəxs saxlanılıb. Əməliyyatlar zamanı sənədsiz silahlar, nağd pullar, qəbzlər, veksellər, ikitərəfli müqavilələr və borcluların qeydlərinin olduğu kitablar götürülüb. Əməliyyatları təşkil edən polis əməkdaşlarımızı təbrik edirəm. Buna qarşı mübarizəmiz maliyyə cinayətləri fasiləsiz olaraq davam edəcək”.
