“İstəsəm, elə indi Putinlə görüşə bilərəm” – Tramp

ABŞ prezidenti Donald Tramp bildirib ki, tərəflər Ukraynadakı münaqişənin həllinə yaxınlaşdıqda Rusiya lideri Vladimir Putinlə yeni görüş keçirmək istəyir.

Busaat.az  xəbər verir ki, o, bu açıqlamanı Ağ Evdə jurnalistlərlə görüş zamanı yaxın gələcəkdə Rusiya-Amerika sammitinin keçirilməsinin mümkünlüyü ilə bağlı sualı cavablandırarkən verib.

Tramp bildirib ki, istəsə, elə indi Putinlə görüşə bilər.

“Mən bunu dərhal Putinlə görüşə bilərəm. Lakin düşünürəm ki, münaqişə bitdikdən sonra onunla görüşmək olar. Bu, baş verəcək.”, – deyə ABŞ prezidenti əlavə edib.

Qeyd edək ki, Kreml tərəfi Putin və Tramp arasında daha bir şəxsi görüşün mümkünlüyünü də istisna etmir. Mümkün məkanlardan biri 18-19 noyabr tarixlərində Çinin Şençjen şəhərində keçiriləcək Asiya-Sakit Okean İqtisadi Əməkdaşlıq Təşkilatının ( APEC ) sammiti ola bilər.

Bundan əvvəl, Rusiya prezidentinin köməkçisi Yuri Uşakov bildirib ki, əgər hər ikisi iştirak edərsə, Putin və Tramp forum kənarında danışıqlar apara biləcəklər.