İsveç və ya Finlandiyaya qarşı hər hansı hücum və ya aqressiv davranış baş verərsə, NATO buna müdaxilə edəcək.
Busaat.az xəbər verir ki, bunu NATO-nun Baş katibi Stoltenberq deyib.
İsveç və Finlandiyanın üzvlük müraciətləri ilə bağlı sualı cavablandıran Stoltenberq xatırladıb ki, iki ölkənin müraciətlərindən sonra imzalanan üzvlük protokolları Macarıstan və Türkiyə istisna olmaqla, 28 üzv ölkənin assambleyaları tərəfindən təsdiqlənib.
Qalan iki ölkənin də razılaşacağına inandığını bildirən Yens Stoltenberq bunun ən qısa zamanda reallaşmasına çağırıb.
İki ölkənin NATO üzvlüyünün ittifaqı gücləndirəcəyini vurğulayan Stoltenberq, ABŞ və İngiltərə də daxil olmaqla bəzi ölkələrin İsveç və Finlandiyaya təhlükəsizlik zəmanəti verdiyini xatırladıb.
Yens Stoltenberq qeyd edib: “İki ölkə istər hərbi, istərsə də mülki olsun, NATO-nun bütün fəaliyyətlərində iştirak edir. Bu o deməkdir ki, İsveç və ya Finlandiyaya qarşı hər hansı bir hücum və ya aqressiv münasibət olarsa, NATO-nun müdaxilə edəcəyi surpriz olmayacaq”.
Busaat.az
