İtaliyada bağ evlərinə getmək qadağan olundu

İtaliya koronavirusun yayılmasının qarşısını almaq üçün yeni qərarlar alıb.

Busaat.az xarici KİV-ə istinadən xəbər verir ki, ölkənin səhiyyə naziri Roberto Speranza bununla bağlı yeni təlimat imzalayıb. Təlimata əsasən, açıq havada təşkil edilən bütün tədbirlər qadağan edilib.

Əhali yalnız evinin yaxınlığında fərdi qaydada idmanla məşğul ola bilər. Bu zaman da 1 metrlik məsafə qorunmalıdır. Eyni zamanda, yeni təlimatda hər hansı ikinci evə, yaxud bağ evlərinə getmək də qadağan edilib.

Ölkədə dəmir yolu və göl kənarlarda qida və içki satan kafelər də bağlanıb. Bu tədbirlə martın 25-nə kimi qüvvədə olacaq. Lazım olarsa, vaxt uzadılacaq.