Kanada Ukraynaya dəstək üçün 32 milyon Kanada dollarından (23,5 milyon dollar) çox yardım paketi təqdim edəcək.
Busaat.az xəbər verir ki, bu barədə ölkənin Xarici İşlər Nazirliyi bildirib.
Kanadanın Xarici İşlər Naziri Melani Coli bu gün Ukraynanın təhlükəsizliyinin və sabitliyinin daha da möhkəmləndirilməsinə dəstək üçün Kanadanın 32 milyon dollarlıq töhfə verdiyini açıqlayıb.
Məbləğə minalardan təmizləmə üçün 7,5 milyon Kanada dolları, hesabatlılıq səyləri üçün 13 milyondan çox, kimyəvi, bioloji, radioloji və nüvə təhlükələrinə qarşı mübarizə üçün 12 milyondan çox vəsait daxildir.
