Kanar adalarında yanğın: 5 kənd boşaldıldı

İspaniyanın cənub-qərbindəki Kanar adalarından biri olan Tenerifedə yaşayış məntəqələrinə doğru irəliləyən meşə yanğını səbəbindən 5 kənd boşaldılıb.

Busaat.az xəbər verir ki, bu barədə “The Independent” qəzetinin məlumat dərc olunub.

Mənbə bildirir ki, Tenerife adasında başlayan yanğının söndürülməsi və risk altında olan vətəndaşların təxliyəsi istiqamətində işlər davam edir.

Kanar Adaları Muxtar Administrasiyasının prezidenti Fernando Klavixo mətbuat konfransında deyib ki, yanğın nəzarətdən çıxıb, 1800 hektar ərazi kül olub. Söndürmə işlərinə 200-dən çox personal, 13 təyyarə və helikopter cəlb edilib.

Bildirilib ki, yanğın təhlükəsi olan Arrate, Çivisaya, Media Montana, Ajafona və Las Laqunetas kəndləri ehtiyat tədbiri olaraq boşaldılıb, həmçinin adanın şimal bölgələrində dağlara gedən yollar müvəqqəti bağlanıb.