"Krımı geri alacağıq" - Zelenski
Ukrayna prezidenti Volodimir Zelenski Rusiyanın Ukraynaya təcavüzünün 9 il əvvəl başladığını bəyan edərək Krımı geri alacaqlarını deyib.
Busaat.az xəbər verir ki, Ukrayna prezidenti Volodimir Zelenski Telegram hesabından “Rusiyanın Krımı işğalına qarşı müqavimət günü” ilə bağlı mesaj paylaşıb.
Volodimir Zelenski deyib ki, Ukrayna bayrağı ölkənin hər bir küncünə qayıdacaq.
Zelenski qeyd edib: “Rusiyanın Ukraynaya təcavüzü 9 il əvvəl başlayıb”.
“Doqquz il əvvəl Rusiyanın təcavüzü Krımdan başladı. Biz Krımı geri almaqla sülhü bərpa edəcəyik. Bu, bizim torpağımızdır. Bizim xalqımız, bizim tariximizdir. Biz Ukrayna bayrağını Ukraynanın hər bir küncünə qaytaracağıq”, – Zelenski bildirib.
