KTMT ABŞ-ın hibrid müharibələrinə qarşı tədbir görməlidir - İranlı deputat

Kollektiv Təhlükəsizlik Müqaviləsi Təşkilatı (KTMT) ABŞ-ın suveren dövlətlərə qarşı apardığı hibrid müharibələrə cavab olaraq düzgün qərarlar qəbul etməlidir.

Busaat.az xəbər verir ki, bunu İran parlamentinin Milli Təhlükəsizlik və Xarici Siyasət Komissiyasının sədri Vahid Cəlalzadə KTMT parlamentinin iclasında deyib.

“Amerikalıların suveren dövlətlərə qarşı beynəlxalq gündəmdəki müxtəlif məsələlərdə ikili standartları, eləcə də müxtəlif ölkələrə qarşı yeni hibrid müharibələri Parlament Assambleyasının müzakirə etməli olduğu ən mühüm məsələlərdir. Buna uyğun olaraq müvafiq qərarlar qəbul edilməlidir” – deyə, iranlı deputat bildirib.

O, İranın ABŞ-ın ikili standartlarının qurbanları arasında olduğunu vurğulayıb. Vahid Cəlalzadə qeyd edib ki, dövlətlər öz suveren inkişafından əl çəkməməlidirlər: “İran qarşılıqlı maraqlara əsaslanan ikitərəfli və dostluq münasibətlərini inkişaf etdirməyə, qonşuları ilə və KTMT çərçivəsində kommunikasiya xətlərini inkişaf etdirməyə hazırdır”.