“Leopard” tankları Kiyevə göndərilərsə... - Peskovdan AÇIQLAMA

“Leopard” tanklarının Ukraynaya göndərilməsi Rusiya-Almaniya münasibətlərinin gələcək inkişafına qaçılmaz təsir göstərəcək.

Busaat.az xəbər verir ki, bu sözləri Kremlin sözçüsü Dmitri Peskov deyib.

Peskovun sözlərinə görə, Rusiya-Almaniya münasibətləri “artıq kifayət qədər aşağı nöqtədədir”.

“Biz Almaniya və ya digər Aİ, NATO ölkələri ilə heç bir əsaslı dialoq müşahidə etmirik”, – Peskov qeyd edib.

NATO-nun baş katibi Yens Stoltenberq müdafiə naziri Boris Pistorius ilə  keçirdiyi birgə mətbuat konfransında Almaniyanın  tezliklə “Leopard”larla bağlı qərar verəcəyini bildirib.

Busaat.az