“Real Madrid”in yarımmüdafiəçisi Luka Modriç qış transfer pəncərəsində klubunu dəyişə bilər.
Busaat.az xəbər verir ki, bu barədə Todofichajes məlumat yayıb.
Mənbənin sözlərinə görə, “İnter Mayami” 38 yaşlı xorvatiyalı futbolçunun xidmətində maraqlıdır və qışda ona təklif göndərməyi planlaşdırır. Qeyd olunur ki, Modriç özü də mövsümü “Real”da bitirmək niyyətində idi, lakin daha çox oyun vaxtı əldə etmək üçün fikrini dəyişə bilər.
Luka Modriç 2012-ci ildən “Los Blancos”da çıxış edir. Ötən mövsüm xorvatiyalı yarımmüdafiəçi “Real Madrid”in heyətində bütün turnirlərdə 51 oyun keçirib, bu matçda 6 qol vurub və 6 məhsuldar ötürmə edib. Xorvatiyalının “Real”la müqaviləsi gələn mövsümün sonuna kimidir. Transfermarkt internet portalına görə futbolçunun təxmini dəyəri 10 milyon avrodur.
