“Real Madrid”in yarımmüdafiəçisi Luka Modriç komandadakı rolundan məyusdur.
Busaat.az xəbər verir ki, bu barədə Mundo Deportivo məlumat yayıb.
Mənbə bildirir ki, xorvat Madrid klubu ilə müqaviləni yeniləyərkən komandanın bazasında oynamağa davam edəcəyini gözləyirdi, lakin baş məşqçi Karlo Ançelotti oyunçunu müntəzəm olaraq startda buraxmağı planlaşdırmır.
Qeyd edək ki, daha əvvəl 37 yaşlı xorvat doğma klubu üçün oynamaq və mübarizə aparmaq istədiyinə görə Səudiyyə “Əl-Nasr”ın təklifini rədd etdiyi bildirilmişdi. Modriçin “Real”la yeni müqaviləsi gələn mövsümün sonuna qədər nəzərdə tutulub.
Xatırladaq ki, Modriç 2012-ci ildən qaymaqlılar üçün oynayır. Xorvatiyalı yarımmüdafiəçi ötən mövsüm “Real Madrid”in heyətində bütün turnirlərdə 51 oyuna çıxıb, 6 qol vurub və 6 məhsuldar ötürmə edib.
Transfermarkt internet portalına görə, bu futbolçunun təxmini dəyəri 10 milyon avrodur.
