Avropa və ABŞ nə qədər gizlətməyə çalışsalar da, vahid deyillər.
Busaat.az xəbər verir ki, bu barədə Belarus prezidenti Aleksandr Lukaşenko Brest vilayətinə səfəri zamanı jurnalistlərə deyib.
“Avropa və Amerika nə qədər vahid olduqlarını göstərsələr də, birlik yoxdur. Əmin ola bilərsiniz ki, bu təkcə mənim fikrim deyil, həm də başqa insanlardan eşitdiklərimdir. Təkcə mən yox, bizim ordumuz və dövlət təhlükəsizliyi xidmətinin əməkdaşları, zabitlərimiz də belə düşünür”, – Lukaşenko bildirib.
Lukaşenkonun sözlərinə görə, Avropa müharibədə olmaq istəmir və Ukrayna münaqişəsinin gərginləşməsi onun maraqlarına ziddir.
“Ukraynada ölənlərin sayı artıq yarım milyonu ötüb. Gənclər müharibəyə getmək istəmirlər, qaçıblar. Hazırda onlar təkcə özlərininkini deyil, həm də Ukraynadan kənarda – Polşada və digər ölkələrdə olan ukraynalıları da tutub ora qaytarırlar. Və muzdlular da var. Bu, hazırda Ukraynada gedən müharibədir”, – Belarus lideri deyib.
