“Lukoyl” xarici aktivlərini tək paketdə satmaq istəyir

Rusiyanın “Lukoyl” şirkəti xarici aktivlərini vahid paket şəklində satmaq istəyir. Satınalmada maraqlı olanlar arasında Abu Dabi Milli Neft Şirkəti (ADNOC) və ABŞ-ın Carlyle, Chevron və Exxon Mobil şirkətləri var.

Busaat.az xəbər verir ki, bu barədə “Bloomberg” mənbələrə istinadən məlumat yayıb.

Onların məlumatlarına görə, bəzi potensial alıcılar xarici aktivlərin yalnız bir hissəsini almaqda maraqlıdırlar. Chevron və Exxon İraqın Qərbi Qurna-2 yatağında Lukoil-in payını araşdırır, ADNOC isə şirkətin Özbəkistandakı aktivləri ilə daha çox maraqlanır.

Oktyabr ayında ABŞ və Böyük Britaniya “Lukoyl”u sanksiya siyahılarına əlavə edib, bundan sonra “Lukoil” beynəlxalq aktivlərini satmaq niyyətini açıqlayıb və beynəlxalq neft treyderi Gunvordan Rusiya şirkətinin xarici aktivlərinə sahib olan “Lukoil International GmbH” şirkətini almaq təklifi alıb.

Lakin daha sonra Gunvor ABŞ Maliyyə Nazirliyinin Ukraynadakı münaqişə həll olunana qədər Gunvor-a biznes fəaliyyəti və gəlir əldə etmək üçün lisenziya verməyəcəyi barədə bəyanatından sonra Lukoil-un xarici aktivlərini almaq təklifini geri götürdüyünü açıqlayıb.

Yeganə