Macarıstan İsveç və Finlandiyanın NATO üzvlüyünə mart ayında baxacaq

Macarıstan parlamentinin gələn ay üçün açıqladığı təqvimə əsasən, İsveç və Finlandiyanın NATO üzvlüyü ilə bağlı səsvermə martın 6-9-da keçiriləcək.

Busaat.az xəbər verir ki, Finlandiya və İsveçin NATO-ya üzvlük prosesi davam edərkən, yalnız Türkiyə və Macarıstan iki ölkənin alyansa üzvlüyünü təsdiqləməyib.

Macarıstan parlamentinin gələn ay üçün açıqladığı təqvimdə İsveç və Finlandiyanın NATO üzvlüyü üçün səsvermənin 6-9 mart tarixlərində keçiriləcəyi bildirilib.

Üzvlük təkliflərinin müzakirəsinin gələn həftə keçirilməsi nəzərdə tutulsa da, macar deputatlar iki ölkənin NATO-ya üzvlüyü ilə bağlı ayrı-ayrılıqda səs verəcəklər.