Fransa Prezidenti Emmanuel Makron bu gün Ukrayna ilə bağlı təcili iclas çağırıb.
Busaat.az xəbər verir ki, bu barədə məlumatı “Reuters” agentliyi yayıb.
Görüşdə Qərb ölkələrinin təqribən 20 liderinin iştirak edəcəyi gözlənilir. Onlar arasında Almaniya Kansleri Olaf Şolts, Böyük Britaniyanın xarici işlər naziri Devid Kemeron, İspaniyanın Baş naziri Pedro Sançes, Niderlandın Baş naziri Mark Rutte də var.
İclasda Ukrayna Prezidenti Volodimir Zelenski də çıxış edəcək. Tərəflərin əsas olaraq, üçüncü ölkələrdən Ukrayna üçün mərmi alınması imkanlarını müzakirə edəcəyi gözlənilir.
