İstanbul Böyükşəhər Bələdiyyəsinin sədri Əkrəm İmamoğlu barəsində Ordu valisi Səddar Yavuzu təhqir etdiyinə görə məhkəmə tərəfindən maddi təzminat qərarı verilib.
Busaat.az “Milliyet”ə istinadən xəbər verir ki, Səddar Yavuzun vəkili təhqirə görə İmamoğluna 6 aydan 2 ilə qədər həbs cəzası verilməsini tələb edib. Məhkəmə isə 7 min 80 lira maddi təzminat qərarı verməklə kifayətlənib.
Xatırladaq ki, 23 iyun 2019-cu ildə bələdiyyə seçkiləri təşviqat kampaniyası çərçivəsində Orduya səfər edən Ə. İmamoğlu 5 iyun tarixində İstanbula qayıdarkən Ordu-Giresun hava limanının əməkdaşları ilə münaqişə yaşayıb. Hadisə zamanı İmamoğlu həmin vaxt Ordu valisi olmuş S. Yavuzun ünvanına təhqiredici ifadələr səsləndirib.
