Meksikada immiqrantları daşıyan avtobus yük maşını ilə toqquşub: 16 nəfər ölüb
Meksikanın Oaxaka və Puebla ştatları sərhədi yaxınlığındakı magistral yolda immiqrantları daşıyan avtobus yük maşını ilə toqquşub.
Busaat.az xəbər verir ki, bu barədə CNN məlumat yayıb.
Mənbənin sözlərinə görə, hadisə nəticəsində biri uşaq olmaqla, 8 kişi və 8 qadın ölüb, 36 nəfər yaralanıb.
Səlahiyyətlilər qəzanın səbəblərini araşdırır. Yaralılar Puebla xəstəxanasına aparılıb.
Oaxaka ştatının qubernatoru Salomon Jara Kruz sosial media hesabından mərhumların ailələrinə başsağlığı verib.
