Fransız mütəxəssis Zinəddin Zidan məşqçilik karyerasını davam etdirə bilər.
Busaat.az xəbər verir ki, bu barədə Todofichajes məlumat yayıb.
Mənbənin sözlərinə görə, Zidan Fransa millisinə rəhbərlik etmək niyyətindədir. Hazırda o, Avro-2024-ün sonuna qədər gözləmək istəyir. Bundan sonra onun milli komandaya baş məşqçi təyin olunması variantı reallaşa bilər.
Zinəddin Zidan 2016-2018 və 2019-2021-ci illərdə “Real Madrid”in baş məşqçisi vəzifəsində çalışıb. Fransız “Los Blankos”la birlikdə ikiqat İspaniya çempionu, iki dəfə İspaniya Superkubokunun və üç dəfə Çempionlar Liqasının qalibi olub.
2012-ci ilin iyun ayından Fransa millisinə Didye Deşam başçılıq edir. Onun rəhbərliyi altında fransalılar 2018-ci ildə Rusiyada keçirilən Dünya Çempionatının, 2021-ci ildə Millətlər Liqasının qalibi olub. Avro-2016-nın və Qətərdə keçirilən 2022-ci il Dünya Çempionatının finalına çıxıb.
