Misirin Rusiyaya silah tədarük etdiyinə dair hər hansı əlamət görmədik - ABŞ
“Misirin Rusiyaya silah tədarük etdiyinə dair heç bir işarə görmədik”.
Busaat.az xarici mediaya istinadən xəbər verir ki, bunu Ağ Ev Milli Təhlükəsizlik Şurasının Strateji Kommunikasiyalar Koordinatoru Con Kirbi, Misirin Rusiyaya silah tədarük etmək planlarına dair mətbuatda yer alan iddialardan danışarkən deyib.
Kirbi ABŞ prezidenti Co Baydenin Şimali İrlandiya və İrlandiya səfəri çərçivəsində təyyarədə jurnalistlərin suallarını cavablandırıb.
ABŞ mətbuatında Qahirə rəhbərliyinin fevral ayında Rusiyaya 40 min raket göndərməyi planlaşdırdığı ilə bağlı suala cavab olaraq Kirbi qeyd edib: “Misirin Rusiyaya silah tədarük etdiyinə dair heç bir işarə görmədik”.
Kirbi diplomatik təmasların məzmunu barədə danışmayacağını bildirib: “Biz müvafiq müttəfiqlər və tərəfdaşlarla əlaqə saxlayır və lazımi şəkildə danışırıq”.
Misir və ABŞ arasında müdafiə sahəsində əməkdaşlığa işarə edən Kirbi bu ölkənin mühüm təhlükəsizlik tərəfdaşı olduğunu bildirib.
Qeyd edək ki, “Washington Post” qəzetinin iddiasına görə, ABŞ kəşfiyyatının sızdırılmış sənədlərində Misir prezidenti Əbdülfəttah əs-Sisinin fevral ayında Rusiyaya 40 min raketin göndərilmsəinə dair göstəriş verdiyi və göndərişin gizli saxlanmasını əmr etdiyi qeyd edilib.
Busaat.az
