Qərb ölkələri bizim narahatlığımızı nəzərə almaq iradəsini ortaya qoysalar, vəziyyət dəyişəcək.
Busaat.az xəbər verir ki, bu sözləri Kremlin sözçüsü Dmitriy Peskov bildirib.
Moskvada jurnalistlərə açıqlama verən Peskov Rusiyanın ABŞ-la birlikdə qitələrarası nüvə ballistik raket imkanlarını cilovlamaq məqsədi daşıyan Yeni START-da iştirakını dayandırmasını şərh edib.
Qərb ölkələrinin Rusiyanın Yeni START qərarına ilkin reaksiyasının danışıqlar üçün “ümid verici” olmadığına diqqət çəkən Peskov deyib: “Rusiya təhlükəsizliyini təmin etmək üçün hər şeyi etməlidir. O cümlədən silahlara nəzarət məsələləri. Rəqiblərimizin normal danışıqlara gəlməsini gözləyərkən səbirli yanaşmamızı davam etdirməyimiz çox vacibdir”.
Peskov şərtlərin dəyişəcəyi təqdirdə Rusiyanın Yeni START-ı davam etdirə biləcəyini açıqlayıb.
“Hər şey Qərbin yanaşmasından asılı olacaq. Narahatlığımızı nəzərə almaq iradəsini ortaya qoysalar, vəziyyət dəyişəcək”, – deyə əlavə edib.
Busaat.az