NATO-dan Ukraynaya dəstək
NATO baş katibi Yens Stoltenberq iyunun 14-də başlayan NATO Zirvəsindən əvvəl Ukrayna Prezidenti Vladimir Zelenski ilə telefonla danışaraq, NATO-nun dəstəyini çatdırıb.
Busaat.az xəbər verir ki, bu barədə NATO məlumat yayıb.
Stoltenberq və Zelenski Ukrayna ərazisində və çevrəsindəki təhlükəsizlik vəziyyəti, eləcə də, Rusiyanın bölgədəki hərbi varlığı məsələsini müzakirə ediblər.
Baş katib Ukraynanın ərazi bütövlüyü və suverenliyinə NATO-nun tam dəstəyini ifadə edərək, bunun bundan sonra da davam edəcəyini bildirib.
