14 NATO müttəfiqinin hərbi hava qüvvələri hər il mütəmadi olaraq keçirilən “Sabit Günorta” təlimində nüvə silahının istifadəsinin qarşısının alınması imkanlarını sınaqdan keçirəcək.
Busaat.az xəbər verir ki, bu barədə məlumat NATO-nun verdiyi açıqlamada yer alıb.
Həqiqi silahların istifadə olunmayacağı adi təlim 17-30 oktyabr tarixlərində ev sahibi Belçika ilə birlikdə Şimal dənizi və İngiltərə hava məkanında keçiriləcək. Təlimdə müxtəlif tipli 60 döyüş təyyarəsindən istifadə olunacaq. Bunlara dördüncü və beşinci nəsil döyüş təyyarələri, müşahidə təyyarələri və tanker təyyarələri daxildir.
Əvvəlki illərdə olduğu kimi, bu il də təlimlərdə ABŞ-ın uzaqmənzilli bombardmançı təyyarələri B-52-lərdən də istifadə olunacaq. B-52 təyyarələri ABŞ-ın Şimali Dakota ştatındakı Minot aviabazasından havaya qalxacaq.
“Sabit Günorta” təliminə ev sahibliyihər il fərqli bir NATO ölkəsinə həvalə edilir.
