Qazaxıstan hakimiyyəti ilin sonuna qədər Rusiyadan Özbəkistana tranzitlə ən azı 800 milyon kubmetr təbii qaz tədarük etmək imkanını nəzərdən keçirir.
Busaat.az xəbər verir ki, bu barədə Qazaxıstanın energetika naziri Almassadam Satkəliyev jurnalistlərə bildirib.
“Biz həyata keçirilən rejimlərə baxacağıq, lakin mümkün qaz tədarükü kimi ən azı 800 milyon kubmetr nəzərdə tutulacaq”, – nazir deyib.
Satkəliyev qeyd edib ki, burada söhbət ilkin mərhələdə təqribən 2,8 mlrd. kubmetr qazın verilməsindən gedir.
“Bunlar Özbəkistan Respublikasının nominasiyaları üzrə əvvəlcədən razılaşdırılmış həcmlərdir”, – o əlavə edib.
