“Nə? Harada? Nə vaxt?” (“Çto? Qde? Koqda?”) intellektual teleoyunun veteran oyunçusu Mixail Smirnov 64 yaşında vəfat edib.
Busaat.az “RİA Novosti”yə istinadən xəbər verir ki, bu barədə onun komanda yoldaşı Maksim Potaşev feysbukda məlumat yayıb. O, qeyd edib ki, M.Smrinov insultdan dünyasını dəyişib.
Qeyd edək ki, M.Smrinov 1988-2010-cu illərdə “Nə? Harada? Nə vaxt?” intellektual klubunun aparıcı komandalarından birinin kapitanı olub. Onun başçılıq etdiyi komandada Maksim Potaşev, Boris Levin, Leonid Timofeyev və başqa tanınmış oyunçular iştirak edib.
