Netanyahu : Bu şərtlə Qəzzada müharibəyə son qoymağa hazırıq
Busaat.az xəbər verir ki, İsrailin baş naziri Benyamin Netanyahu Fələstinin HƏMAS hərəkatının liderləri sürgünə gedəcəyi təqdirdə Qəzza zolağında müharibəyə son qoymağa hazırdır.
Onların sözlərinə görə, Netanyahu Vaşinqtona səfəri zamanı HƏMAS-ın hakimiyyətdən əl çəkməsi və liderlərinin zolağı tərk etməsi müqabilində Qəzzada müharibəyə son qoymaq planını təqdim edib.
Portalın amerikalı mənbələrinə görə, Netanyahu daha çox girovu azad etmək üçün HƏMAS ilə razılaşmanın birinci mərhələsini uzatmaq istəyir. Bunun müqabilində İsrail daha çox fələstinli məhbusu azad etməyə hazırdır.
Nəşrin həmsöhbətlərinin sözlərinə görə, əgər bu uğur qazanarsa, razılaşmanın ikinci mərhələsi üzrə danışıqlar zamanı Netanyahu HƏMAS-a Qəzza zolağında müharibəyə son qoymağı və İsrailin razılaşmanın birinci mərhələsində azadlığa çıxmağa razı olmadığı “yüksək rütbəli” fələstinli məhbusları azad etməyi təklif etməyi planlaşdırır.
Mənbələrin bildirdiyinə görə, bunun müqabilində İsrailin baş naziri Həmasdan qalan girovları azad etməyi, Qəzza zolağında hakimiyyətdən əl çəkməyi və liderlərinin, o cümlədən həbsdən çıxanların sürgünə getməsini tələb edəcək.
