Niderland və Kanadanın Suriyaya qarşı qaldırdığı iddianın dinləməsi başlayıb

Suriya rejiminin 1984-cü il BMT-nin İşgəncələrə Qarşı Konvensiyasını pozması və müvəqqəti tədbirlər tələb etməsi səbəbilə Niderland və Kanadanın Suriyaya qarşı Beynəlxalq Ədalət Məhkəməsində (ICJ) açdığı iddianın dinləməsi başlayıb.

Busaat.az xəbər verir ki, bu barədə xarici KİV məlumat yayıb.

İşin 2 günlük dinləməsinin ilk günündə Human Rights Watch (HRW) Beynəlxalq Ədliyyə Təşkilatının direktoru Balkees Jarrah məhkəmədə çıxış edib.

“Məhkəmə qorxulu şəraitdə əzab çəkməyə davam edən və həyatları ciddi təhlükə altında olan suriyalılara qarşı daha da zorakılığın qarşısını almaq üçün təcili tədbirlər görməlidir”, – Jarrah bildirib.

ICJ-nin iyun ayında verdiyi yazılı açıqlamada, Kanada və Niderlandın 8 iyun 2023-cü ildə Suriyada törədilən işgəncə cinayətlərinin Birləşmiş Millətlər Təşkilatının İşgəncələrə və Digər Qəddar, Qeyri-insani Konvensiyaya zidd olduğu iddiası ilə məhkəməyə müraciət etdiyi bildirilmişdi.

Kanada və Niderlandın birgə tələbində deyilir: “Suriya 2011-ci ildən, hətta vəziyyət silahlı münaqişəyə çevrildikdən sonra da mülki etirazlara qarşı zorakı müdaxilələrini davam etdirərək, dəfələrlə beynəlxalq hüququ pozub”.