Ermənistan hökuməti Azərbaycan tərəfdən sülh sazişi ilə bağlı təkliflər alıb və onlara ağlabatan müddət ərzində cavab verəcək.
Busaat.az TASS-a istinadən xəbər verir ki, bu barədə Ermənistanın baş naziri Nikol Paşinyan Nazirlər Kabinetinin iclasında bildirib.
“Ermənistan Azərbaycandan sülh müqaviləsinin mətni ilə bağlı yeni təkliflər alıb. Biz ağlabatan müddət ərzində bunun üzərində işləyəcəyik və şərhlərimizi təqdim edəcəyik. Bizim regionda sülhün bərqərar olmasına alternativimiz yoxdur. Bu, region ölkələrinin təhlükəsizliyini və ərazi bütövlüyünü təmin edən yeganə həll yoludur”, – deyə o söyləyib.
