“Yaxın günlərdə Qarabağda heç bir erməni qalmayacaq”.
Busaat.az TASS-a istinadən xəbər verir ki, bunu Ermənistanın baş naziri Nikol Paşinyan deyib.
“Təhlillər göstərir ki, yaxın günlərdə Qarabağda daha heç bir erməni qalmayacaq. Bu, uzun müddətdir ki, beynəlxalq ictimaiyyəti xəbərdar etdiyimiz birbaşa etnik təmizləmədir”, – o, hökumətin iclasında deyib.
Ermənistanın baş nazirinin müavini Tiqran Xaçatryan bildirib ki, (Bakı vaxtı ilə səhər saat 10:00-a olan məlumata görə) Qarabağdan Ermənistana 66 mindən çox insan gəlib ki, bu da regionun 120 min əhalisinin yarıdan çoxunu təşkil edir. Artıq 11 minə yaxın ailə mənzillə təmin olunub. Qaçqınların bəzilərinin dövlət yardımına ehtiyacı yoxdur.
