Paşinyan müşavirini Zəngəzura ezamiyyətə göndərdi
Ermənistanın Baş naziri Nikol Paşinyan müşaviri Robert Qukasyanı Zəngəzura ezamiyyətə göndərib.
Busaat.az “Sputnik Ermənistan”a istinadən xəbər verir ki, Paşinyanın müvafiq qərarında Qukasyanın ezamiyyətinin fevralın 16-dan aprelin 16-dək davam edəcəyi bildirilir.
Qeyd olunur ki, Robert Qukasyanın ezamiyyəti ilə bağlı xərclər dövlət büdcəsində nəzərdə tutulan Baş nazir aparatının daxili ezamiyyət vəsaitləri hesabına ödəniləcək.
Qukasyanın ezamiyyətinin hansı məqsəd daşıdığı və nəyə görə uzun müddət davam edəcəyi barədə detallar açıqlanmayıb.
Qeyd edək ki, Robert Qukasyan 2019-cu ilin avqustunda Ermənistan Baş nazirinin müşaviri təyin olunub.
